雖然食蝦真係好麻煩，又要剝又要盛，班港女都「不了、不了」，不過幫你剝埋就唔係咁講啦！最近有網民爆料，原來我哋成日食嘅蝦，好可能係加咗料，將死蝦都變返生蝦，想嚇死寶寶咩？
雖然市面好多冰鮮蝦，不過食嘢都想揀新鮮㗎啦，比你揀食生蝦同死蝦，肥仔黎我諗大家都唔會揀死蝦嚟食啦！不過最近有網民就爆料，話原來落雙氧水，就可以將死蝦變生蝦。
有網民買咗活蝦，再將佢哋擺喺室溫半個鐘，啲蝦開始奄奄一息嗰時就落雙氧水，睇下啲蝦會唔會變返生猛，點知短短10秒，蝦嘅鬍鬚竟然郁返。
有黑心商人就用呢個方法，將雙氧水用嚟當魚蝦嘅興奮劑，搞到啲蝦變做「殭屍蝦」。不過落咗雙氧水嘅蝦，隻蝦只有兩根鬍鬚會郁，蝦身唔會郁。
呢啲「殭屍蝦」會因蛋白質氧化變異，轉變成紅色，尤其係尾部同頭部變化特別明顯，所以注意蝦頭顏色有冇變紅，就知隻蝦有冇加料。
真係有片有真相，一齊睇下呢啲「殭屍蝦」有幾咁堅啦！
膠通消息來源：卡提諾論壇
搭飛機成日都有空姐空少問買唔買嘢，雖然可能會比出面價錢平少少，但貪平買咗啲品質唔好嘅嘢，咁就無謂啦！最近有網民喺香港航空買Godiva朱古力，點知返到屋企見到啲朱古力又變樣又變質，真係唔知好嬲定好笑。
有網民喺香港航空買Godiva朱古力，返到屋企打開見到啲朱古力散散哋，有啲又溶到癡埋一舊，嬲到喺Facebook嘅「中伏飲食報料區」爆料，希望大家都唔好喺香港航空亂買嘢。
本身一粒粒好靚嘅朱古力，家下散到一patpat咁，真係睇見到唔開胃。
呢個仲衰！原本係8條嘅朱古力，依家癡埋一舊，拎都拎唔到出嚟，想人哋點食呢？好彩樓主係自己食姐，如果送禮俾人，人哋打開個嚇都唔知會唔會以為玩嘢。
唔少網民紛紛留言，覺得樓主貪平喺機上買先搞到咁，如果去專門店買，咪唔會咁囉！真係「貪平冇得怨」。
有網民就叫樓主試下去換，可能會換到。
有網民仲諗住喺港航訂，不過睇到咁伏就決定唔會訂。
最好笑係有網民食花生話：「空難朱古力」、「好似屎呀」、「可能d朱古力暈機浪」、「已經化左灰啦」、「出土文物」。
你睇下如果去專門店買，啲朱古力先靚仔㗎嘛，下次真係唔好貪平，或者落機前check下，咁咪唔會搞成咁囉。
膠通消息來源：中伏飲食報料區＠fb
Tag
死蝦變生蝦
