香港 7大 比人吹大左既食店，其實真係可以唔洗去試
1)金華冰室
招牌菜：菠蘿油
個包以前係真波，軟熟。
而家係假波，好硬。
聽聞之前整得出色既麵包師傅已退休。
————————————————-
2）北角雞蛋仔
招牌菜：雞蛋殼
我只去過北角分店，
佢每次都淨係俾左餅雞蛋仔殼我，
個餡得四分之一個窿滿，
蛋香亦欠奉。
我中意入面飽滿煙韌多d！
而家真係無乜邊檔雞蛋仔係好食，
本身幫襯開尖咀豐記，
雖然水準不穩，但較合我口味。
————————————————
3）添好運點心
招牌菜：雪山叉燒包
開分店後，
點心已唔係即叫即整，
水準也大不如前。
好多時碟包只係微暖，
而且焗得唔夠香，味道亦偏咸。
其他點心水準亦只算係好過稻香少少。
——————————————-
4)維記
招牌菜：豬潤麵、咖央西多
個人覺得西多ok,
用煎既方法去整，
唔會炸到起曬油焦，
感覺上食落唔會油膩同熱氣。
但咖央椰味唔夠清新。
潤麵較遜色，
豬潤咬落無「起沙」。
——————————————
5）清真牛肉館（九龍城）
招牌菜係：牛肉餅
汁太咸，食唔到有牛味。
——————————–
6)華嫂冰室(元朗)
招牌菜：蕃茄蛋菠蘿油、蕃茄豬扒麵
神級地雷！
即使位於有市區人懷疑會見到牛既元朗坑頭村，
那管openeyes網寫住位於「坑尾公廁對面」,
仍能吸引大家遠道而來，
而且日日爆場，
客人要等一個鐘先可入座。
呢個地雷咁勁，
全因有多位食家參與製造。
包括蔡瀾、余文樂、鄧達志。
加上各大傳媒及打手推波坐瀾，
想唔紅都難！
蕃茄蛋菠蘿油太多料，
好「漏」。
酸+甜+咸混埋一齊，
味道怪怪地，唔夾。
另外蕃茄麵個湯太「傑」，
酸過龍。
———————————————
7）民聲冰室（大坑）
招牌菜：巨峰肉餅
巨峰已由郭書瑤變為陳自瑤，
size漸漸變小。
肉打得鬆化過龍，
成「pat」泥咁
重味精，偏咸，無鮮味。
其他新聞
唔知有冇人一早已經知
話說今日自己一個食譚啦
食完譚仔先發現唔記得撳錢
埋單果時死死地氣咁問個收銀
可唔可以過隔離7仔撳畀你
佢話可以但你簽一簽呢張野先
我一望到成個人呆撚左
後面仲有兩三個人排緊隊等埋單
個個人望住我簽呢張回條 勁羞恥
到底邊個發明呢張野架
D譚仔阿姐好難明佢地啲話……有時會忍唔住笑！
懶肉勿兒演千湯
基肉餚演山小喇
餚肉畜牲先辣抓狗牙
兒蛋先菜加之以實小辣熱脆擘
之忍稍辣加土匪佳亦凍鏈茶小田
